മഴ പൊഴിയുകയാണീ വഴിയി -
ലിലത്താളത്തിലിടയ്ക്കിടെയിങ്ങനെ
ഇഴയിട്ടു പിണഞ്ഞൊരു ചിന്തക-
ളൊരു വേളയുടഞ്ഞൊഴിയും , ചെറു -
കലഹം , പൊടി പടലവുമാധിയു -
മിടനെഞ്ചിലമർന്നിടുമങ്ങനെ
ഇളയീറനണിഞ്ഞ കിനാക്കളി-
ലില നർത്തനമാടിയ മുത്തുക-
ളൊരു തീർത്ഥകണം പോൽ , വേരുക-
ളിരു കയ്യിലുമേറ്റു മുകർന്നിടു-
മിതു പ്രണയമഴക്കുളിരേതൊരു -
നിറമറ്റ കിനാവുമുണർത്തിടു-
മതു മുളയായ് , ചെറു മരമായ് ,വനമായ്
അതിരറ്റു വളർത്തിടുമൊടുവിൽ
അറിവാഴവുമാകാശങ്ങളു -
മതിഗൂഢമറിഞ്ഞു പുണർന്നിടു -
മതിലേക്കു പകർന്നൊഴുകും സ്വയ -
മതിനെങ്ങു തുടക്കമൊടുക്കവും !
മഴ തുടരുകയാണീ വഴിയി -
ലിലത്താളത്തിലിടയ്ക്കിടെയിങ്ങനെ
ലിലത്താളത്തിലിടയ്ക്കിടെയിങ്ങനെ
ഇഴയിട്ടു പിണഞ്ഞൊരു ചിന്തക-
ളൊരു വേളയുടഞ്ഞൊഴിയും , ചെറു -
കലഹം , പൊടി പടലവുമാധിയു -
മിടനെഞ്ചിലമർന്നിടുമങ്ങനെ
ഇളയീറനണിഞ്ഞ കിനാക്കളി-
ലില നർത്തനമാടിയ മുത്തുക-
ളൊരു തീർത്ഥകണം പോൽ , വേരുക-
ളിരു കയ്യിലുമേറ്റു മുകർന്നിടു-
മിതു പ്രണയമഴക്കുളിരേതൊരു -
നിറമറ്റ കിനാവുമുണർത്തിടു-
മതു മുളയായ് , ചെറു മരമായ് ,വനമായ്
അതിരറ്റു വളർത്തിടുമൊടുവിൽ
അറിവാഴവുമാകാശങ്ങളു -
മതിഗൂഢമറിഞ്ഞു പുണർന്നിടു -
മതിലേക്കു പകർന്നൊഴുകും സ്വയ -
മതിനെങ്ങു തുടക്കമൊടുക്കവും !
മഴ തുടരുകയാണീ വഴിയി -
ലിലത്താളത്തിലിടയ്ക്കിടെയിങ്ങനെ
No comments:
Post a Comment